Izložba radova Tihomira Tiha Konjevića, naslovljena „ Ponistre od mora“, biće otvorena u petak, 30.jula u Paviljonu Gradske muzike u Herceg Novom. Izložbu, koju čini 10 radova, otvoriće pjesnikinja Ksenija Matović.
Zahvaljujući djelima Tihomira Konjevića posjetioci će vidjeti kako izgledaju ulice Mediteranskih začina, Ljetnjeg raspusta, Tramontane, Punog mjeseca, ali i Trg Klikera. Kako ističe Konjević u svom stvaralaštvu, koristi kombinovane slikarske tehnike i materijale.
-Inspiraciju najviše pronalazim u primorskoj arhitekturi, bokeljskim selima i Mediteranu, pa su to najčešće teme i motivi na mojim radovima. Savladavajući znanja iz različitih finih zanata, stvaram detalje koji na mojim radovima izgledaju kao više puta umanjeni predmeti iz svakodnevnog života , kazao je Konjević.
Tihomir Tiho Konjević imao je više samostalnih izložbi, a organizovane su u Dvorani Park, Portomontenegru, gradskoj galeriji Josip Bepo Benković, galeriji „ Preporod“ u Sarajevu i drugo.
Otvaranje izložbe je u petak 30.jula u 21 sat u paviljonu Gradske muzike.
