U okviru Praznika mimoze predviđen je bogat program za djecu a naše najmlađe sugrađane u utorak, 21. februara u Dvorani Park, očekuje susret sa Ljubivojem Ršumovićem, piscem i pjesnikom uz čije priče i stihove su rasle generacije djece. Susret sa jednim od najvećih jugoslovenskih pisaca za djecu imaćemo u Novskom jutru na RTHN u ponedeljak, 20. februara.
Tradicionalni susreti izviđača održani su i ove godine a u trodnevnom druženju prisustvovalo je preko 300 izviđača iz 26 gradova zemalja regiona. O tome će pričati novski izviđači Mia Đedović i Radovan Milović.
I dok se u Novom održava fešta nad feštama, u slavu malog žutog paperjastog cvijeta, male maškare su se rasplesale i razigrale na maskenbalu u Institutu a oni veliki iz NVO Maškare brane boje našeg grada na karnevalu u Rijeci pa ćemo u Novskom jutru vidjeti kako je bilo na tom karnevalu.
Novsko jutro sa Slađanom Rašo od 8:00 do 9:00 na RTHN.
