Kadeti FK “Igalo” nastavljaju sa dobrim igrama i rezultatima. U 5. kolu B grupe Kadetske lige Crne Gore juče su pred svojim navijačima pobjedili fenjeraša – ekipu „Petrovca“ 5:2 (1:0).
Poslije prvog poluvremena, koje je završeno 1:0 golom Vladimira Pavlovića u 16. minutu, u nastavku utakmice je Boško Borovnica efektnim golom povisio rezultat u 55. minutu. Odmah po ulasku razigrao se rezervista Danilo Božović i sa tri gola u 63, 82. i 89. minutu potvrdio pobjedu. U tom dijelu i gosti su golovima Lazara Adžića u 72. i Petra Dragišića u 87. minutu iz penala, smanjili rezultat.
Nakon pet kola u ovoj grupi „Igalo“ se nalazi na petom mjestu sa 16 bodova.
