U Fojnici je proteklog vikenda održan 12. internacionalni ženski košarkaški turnir, a najmlađe košarkašice Primorja su se okitile bronzom. U utakmici za treće mjesto savladale su izvanrednu domaću ekipu Star rezultatom 36:30 (15:9, 11:5, 8:4, 2:12).
U idealnu petorku turnira je izabrana košarkašica Primorja Petra Sučević.
Prema riječima trenera Primorja Klaudije Baćović, turnir je okupio šest eminentnih ekipa iz regiona, a djevojke su, iako najmlađe, ostvarile odličan uspjeh.
-Posebno raduje što su sve igračice dobile priliku da pokažu košarkaški talenat i doprinesu plasmanu, kazala je Baćović.
U bronzanoj ekipi Primorja bile su: Petra Sučević (kapiten), Anđela Jančić, Simeona Spaić, Sara Prlainović, Ena Bašlin, Marija Kosić, Tamara Tomašević, Jovana Rikalo, Magdalena Drašković, Doroteja Šumar, Anja Kasalica, Miljana Rikalo, Elena Mandić, Nikolija Zejak i Nađa Savković.
Treneri ekipe: Siniša Samac i Klaudija Baćović.
