Kad bi more moglo pričati, svaki talas koji zapljusne obalu ispričao bi ponešto o životu ljudi u Boki. Svoju priču pričali bi borovi, a kakve priče tek pamte stijene – e to bi valjalo čuti! Ali, oni su tek nijemi svjedoci burne i bogate istorije koju su kroz vijekove ispisivali ljudi ovog kraja. Svaki kutak zaliva odiše bogatom prošlošću i tradicijom, a živo svjedočanstvo tih vremena jeste – Bokeljska mornarica 809 .
Ova, danas memorijalna organizacija, punih 12 vijekova kontinuirano čuva tradiciju staleške bratovštine bokeljskih pomoraca, nastale prema tradiciji u Kotoru početkom IX vijeka. Nedavno je Hercegnovska podružnica obnovila rad i obilježila 50 godina od osnivanja pa nam je to bio povod da se bliže upoznamo.
Emisija „More i zaleđe“, urednice Slađane Rašo, na programu RTHN večeras u 20:00 časova.
