Novljanka Danka Kovinić startovala je pobjedom na turniru u čileanskom gradu Kolina. U prvom kolu savladala je Amerikanku Betani Matek-Sends – 6:0, 6:3.
Poslije odličnog prvog seta, gdje protivnica nije osvojila ni gem, u drugom setu je bilo znatno uzbudljivije. Amerikanka je napravila brejk i povela (2:1), a zatim je Kovinićka sa dva brejka, došla do svoje igre i povela 4:2.
U daljem toku meča Matek-Sends vratila je brejk i smanjila na 4:3, da bi nakon toga Danka oduzela servis protivnici, povela (5:3) i riješila suret u svoju korist.
U drugom kolu Kovinić igra protiv japanske teniserke Juki Naito, koja je 215. na WTA listi.
