Na odložene Olimpijske igre u Tokiju, nakon naciopnalne vaterpolo selekcije i jedriličara Milivoja Dukića, iz Herceg Novog putuje i naša najljboja teniserka Danka Kovinić.
Plasman u drugo kolo Rolan Galosa u Parizu “pogurao” je Danku za tri pozicije, pa je ona na 59. mjestu na WTA listi, koja će biti zvanično objavljena sutra.
S obzirom da u Tokio mogu maksimalno četiri igračice iz jedne države, Danka će na toj listi biti 50. Plasman na Olimpijske igre obezbjediće prvih 56 teniserki, a osam mjesta dodjeljuje se prema procjeni Međunarodne teniske federacije i na osnovu tzv. kontinentalnih kvota. Ispred Danke je devet teniserki iz Sjedinjenih država, sedam Čehinja i pet Ruskinja.
Kovinić je nastupila na Olimpijskim igrama u Riju, prije pet godina, a poražena je u prvom kolu od Medison Kiz.
