Požar koji je juče u 9:00 časova izbio u predjelu Njivica i jutros je aktivan pa je avion Direktorata za zaštitu i spašavanje uključen u gašenje.
Hercegnovski vatrogasci gase požar i na Sitnici, koji je izbio sinoć. Kako nam je kazao komandir Službe zaštite i spašavanja Zlatko Ćirović, na Bjelotini se požar širi.
Prema riječima direktorice Agencije za razvoj i zaštitu Orjena Milje Vitorović, vatrogasci su konstantno na terenu, a pomažu im zaštitari Parka prirode.
-Jedna ekipa dežura da vatra ne pređe put, a na nepristupačnim mjestima vatru gase zaštitari Parka prirode naprtnjačama. Aktivno je preko 50 požarišta. Jutros se vatra približila kućama, ali su uspjeli da zaustave njeno širenje, rekla je Vitorović za RTHN.
