Na novskoj pijaci vlada bogata ponuda sezonskog voća, povrća i ribe.
Kad je u pitanju voće, breskve, domaće šljive, nektarine, kajsije i kruške prodaju se po 3,50 eura za kilogram. Trešnje su 6 eura, dok se pakovanja od 250 – 300 grama malina i kupina prodaju po 3 eura. Kilo svježih smokvi košta 8 eura, dok su suve smokve 10 eura po kilogramu.
Domaća jaja prodaju se po cijeni od 3,50 eura. U ponudi je i maslinovo ulje iz Ulcinja i Bara po cijeni od 15 eura. Masline se prodaju po cijeni od 7 eura.
Na tezgama s povrćem krastavci i tikvice koštaju 3 eura, vezica mladog luka 1 euro. Veliki je izbor zeleni, kao što su peršun, žućenica i blitva.
Teglica šumskih jagoda je 10 eura.
Bogata je i ponuda svježe ribe i morskih plodova. Gavuni se prodaju po cijeni od 5 eura, cipoli 10, tuna 27 eura, lignje 25 eura, gambori 15 eura, dok su sardele i mušlje po 5 eura za kilogram.
Iako sezona donosi veću gužvu tokom sedmice, subota na pijaci i dalje ostaje omiljeni dan za lokalce.
