KSC DiANo je na tek završenom međunarodnom festivalu plesa Stageidc osvojio nagrade za svih pet koreografija sa kojima su nastupili. Prvo mjesto pripalo im je za koreografije Higher i Newsies a drugo su zaslužile numere: Burlesque, Dont put people in boxes i Traveller. Dodali su i specijalnu nagrada žirija – Higher!
Organizatori ovog značajnog, tek završenog festivala, poručuju da su tu da inspirišu mlade plesače i u tome očigledno uspijevaju. I na ovogodišnjem festivalu koji je jedan od najprestižnijih događaja na makedonskoj kulturnoj sceni učestvovali su predstavnici iz više od 20 zemalja, a ostvarena je sjajna interakcija između plesača, nastavnika i plesnih škola, razmjena iskustava i znanja. U žiriju su bile vrhunske sudije pa su nagrade koje su osvojili Dianovci sa direktorkom i baletskim pedagogom Antonijom Novoselac još značajnije. Čestitamo!
