Na mapi novog hercegnovskog jutra, kao i uvijek, bezbroj naših želja i planova, dobrih i loših vijesti, očekivanja. Ponešto nas od toga uspori, nešto natjera na brži korak, obraduje ili rastuži, ali, kada makar na jedan tren stanemo, shvatimo da je utjeha i podstrek rađanje novog dana u gradu kome čaroliju dodaju mirisi, ukusi, događaji iz vremena bosonogog djetinjstva i života koji teče dalje uprkos svemu…Na tu mapu zapisa, ličnih i onih koje dijelimo, dodali smo i odlazak Dragoljuba Đuričića. Još u nevjerici, sigurni smo u jedno, ni njegov put se ne završava sve dok u Novome, na njegovim i našim mjestima, čujemo ritam njegovog dobrog i radosnog srca i njegovih bubnjeva kojima je davao dušu i sve oko sebe pokretao. Dobro jutro, dragi naši, dobro jutro, Herceg Novi!
