Odavno ne provjeravamo, samo potvrđujemo misao britanskog autora Nila Gejmena koji kaže da je dobra knjiga san koji možemo držati u rukama. U prilog tome podatak da su se u proteklih nekoliko dana na gradskoj kulturnoj sceni nizali programi koji su obuhvatili promociju naslova koji bude maštu i radoznalost predškolaca, sve do Njegoševih stihova koji otvaraju velika pitanja identiteta i vremena vodeći nas kroz stvarne i zamišljene svjetove. Tim putem kreće se i ovo izdanje Talasa kulture.
Storije koje donosimo čine nisku sastavljenu od književnog nasljeđa Petra II Petrovića Njegoša i Alekse Šantića, do putopisa Viktora Lazića bilježenih kroz Sudan, Grenland i Keniju, konačno do novih knjiga koje najmlađe čitaoce uče ljubavi prema prirodi i snazi mašte.
U svakom od ovih naslova su riječi koje traju, putovanja koja nas mijenjaju i podsjećaju da književnost jeste jedan od najljepših načina da upoznamo i svijet i sebe. Dobro došli u Talase culture, emisiju koju uređuje Vitka Vujnović a na programu je večeras (utorak, 2. Jun) od 20:00 sati.
Dobro došli, vaša RT Herceg Novi!
