U Domu kulture Bijela sutra (11. april) u 19:00 sati će biti upriličena predstava „Kir Janja“, Okret teatra iz Beograda, pozorišne trupe koja svojim predstavama djeci i mladima želi da približi svijet lektire.
Na duhovit, zanimljiv i lepršav način, uz kreativno osmišljenu scenografiju i kvalitetnu originalnu muziku, glumci su oživjeli živopisne likove kojima je Jovan Sterija Popović opisao stanje u društvu, ali i ismijao loše karakterne osobine ljudi, koje su univerzalne i prisutne u svakom vremenu.
U predstavi igraju Marko Nikolić kao Kir Janja, Danijela Tanasković kao Juca, Marija Ćeranić igra Katicu, Janjinu kći od prve žene, Milan Vranešević tumači lik Mišića i Nikola Krneta igra Kim Dimu/čiča Peru, kućevnog slugu.
Ulaznice po cijeni od 5 eura u prodaji su u prostorijama Mjesne zajednice Bijela.
