Obnovljena klapa „Bokelji“, sastavljena od Novljana i Tivćana, vrijedno vježba od septembra prošle godine i prijavila je učešće na međunarodnom festivalu u Perastu 21. juna u kategoriji mješovitih klapa.
Osim klape, „Bokelji“ imaju i Ansambl. Za početak ljetnje sezone planirano je objavljivanje pjesme „Čeka me Novi“ kompozitora Slobodana Stokovića iz Beograda, a ovih dana se rade pripreme, pa se očekuje brza realizacija pjesme i spota. U spotu će se osim članova klape naći i prijatelji „Bokelja“ koje je klapa pozvala za učešće u spotu.
Za festival u Perastu klapi pomažu kolege iz benda „Trio Mare,“ Đuro Poznanović i Stevan Tomašević, kao i prijatelj iz klape „Jadran“, Kuzma Novak. Članovi klape i Ansambla „Bokelji“ su Zdravko Mirić, Ilija Vukosavljević, Dijana Sindik, Katarina Vuković, Ilko Vuksanović, Silvio Marković, Nenad Neno Kotarac, Relja Lazović, Dušan Duje Tadić i Ilija Vuksanović koji je ujedno i počasni predsjednik klape.
