Na ovogodišnjem kalendaru prekrižili smo skoro sve dane, a želja nam je da 2023. godinu pamtimo po dobru. Da je pamtimo po prelijepim predjelima, znanim i manje poznatim koje smo za vas obilazili snimajući „More i zaleđe“, po vrijednim , čestitim ljudima koje smo susretali i bilježili njihove zanimljive priče. Podsjećali smo se prošlosti, živjeli širom otvorenih očiju i srca u sadašnjosti, okušali se u nekim novim izazovima i pri tome sjajno zabavljali, a sada sa puno nade i optimizma okrenuti smo ka budućnosti, pomalo nestrpljivi da širom naše predivne Boke stignemo gdje nismo bili – po moru i zaleđu.
Ovo večerašnje, posebno izdanje emisije od 20 sati, neka bude podsjetnik i mala šetnja kroz 2023. godinu, ali i pozivnica da i naredne godine budete uz nas.
Ekipa emisije „More i zaleđe“ želi vam srećnu i uspješnu Novu godinu!
