Kažu da je jesen najslikarskije godišnje doba jer priroda tada pokaže svoju raskošnu paletu boja. Možda i ima istine u tome, jedno je sigurno, hercegnovske galerije poslije ljetnjeg, nešto sporijeg ritma, odjednom postanu življe. Tek što je završena izložba Irene i Evgenije Portnoj u Spa Galeriji Instituta Igalo otvorena je izložba slika Dragana Jovanovića. Večeras se u galeriji Sju Rajder izborom crteža predstavio Milenko Premović.
Ako znamo da izložbe otkrivaju stvaralačke svjetove umjetnika, da posmatračima pružaju priliku da u umjetnikovim nađu i svoje vizije, jasno je i da nijedna postavka nije tek još jedan događaj na gradskoj likovnoj sceni. Galerije i izložbe postaju pozornice za susrete tokom kojih širimo horizonte svakodnevice, dodajemo nove slojeve znanju i iskustvu, nalazimo potvrdu umjetničkom duhu grada i bogatom likovnom naslijeđu.
Talasi kulture u Spa galeriji Instituta Igalo.
Dobro došli u emisiju koju uređuje Vitka Vujnović a od 20:00 sati je na programu RT Herceg Novi.
