Udruženje žena „Riza“ Bijela jubilej – 80 godina postojanja i rada obilježava pjesničkim maratonom i svečanom akademijom.
XXII tradicionalni pjesnički maraton „Bijela 2022“, u okviru kojeg će biti promovisana knjiga „Izabrane pjesme“ rano preminule Vinke Perišić Šarenac počinje danas (petak, 14.oktobar) u 18:00 sati u Domu kulture Bijela. Na maratonu će učestvovati pjesnikinje i pjesnici, Vinkini učenici, kolege i prijatelji i književni kritičar i recezent Vinkine knjige dr Rade Vučićević. Na svečanoj akademiji (subota 15.oktobar) u 18:00 sati premijerno će biti prikazan kratki film „O Rizi“ snimljen na osnovu interne arhivske građe, audio i video zapisa.
