Najbolja crnogorska teniserka, Novljanka Danka Kovinić zabilježila je pobjedu u prvom meču nakon skoro dva mjeseca pauze zbog povrede.
Kovinić je u prvom kolu čelendžera u rumunskom Jašiju savladala argentinsku teniserku Juliju Rijeru 2:0 (6:3, 6:4).
U prvom setu Kovinić je napravila dva brejka, povela 5:1 i ekspresno riješila taj dio igre. Drugi set je odlučen u petom gemu, kada je naša teniserka oduzela servis protivnici.
U narednom kolu turnira u Rumuniji, Kovinić će igrati pritiv kiparske teniserke Raluke Serban, koja se nalazi na 166. poziciji WTA liste.
Podsjećamo, Danka je zbog povrede propustila Vimbldon, a na terenu je posljednji put bila u maju kada je Čehinji Lindi Noskovoj predala meč prvog kola Rolan Garosa.
