Neradni dani povodom Praznika rada biće četvrtak 1. maj i petak 2. maj. Iz Ministarstva ekonomskog razvoja podsjećaju sve privredne subjekte, da su dužni da se pridržavaju Zakona o unutrašnjoj trgovini kojim je propisano da trgovina na veliko i trgovina na malo ne može da se obavlja nedjeljom i u dane državnih i drugih praznika određenim zakonom kojim se uređuju državni i drugi praznici.
Kako je saopšteno iz ovog resora, nedjeljom i u dane državnih i drugih praznika trgovina na veliko i trgovina na malo može se obavljati u: apotekama; specijalizovanim prodavnicama ili kioscima za prodaju hleba, pekarskih proizvoda i kolača, cvijeća, suvenira, štampe, sredstava za zaštitu bilja ili pogrebne opreme; benzinskim stanicama i prodavnicama za trgovinu na malo u okviru benzinskih stanica; pijacama; štandovima – tezgama, vitrinama i automatima izvan pijaca i pokretnim prodavnicama; prodavnicama, kioscima i automatima smještenim unutar zatvorenih područja autobuskih i željezničkih stanica, aerodroma i luka; štandovima i kioscima u kojima se prodaju robe za vrijeme održavanja priredbi, festivala i manifestacija, sajmova i za vrijeme javnog prikazivanja kinematografskih djela; skladištima za trgovinu na veliko.
Specijalizovanim prodavnicama ili kioscima smatraju se prodavnice odnosno kiosci u kojima se obavlja prodaja pretežno jedne vrste robe.
– Upozoravamo i apelujemo na sve privredne subjekte, na koje se odnosi propisano ograničenje, da poštuju predmetnu obavezu, kako ne bi došli u situaciju da organ nadzora nadležan za primjenu propisa – Ministarstvo ekonomskog razvoja preko tržišnih inspektora preduzima propisane upravne mjere i radnje i izriče novčane kazne. Za nepoštovanje predmetne obaveze, pored novačnih kazni, podsjećamo i na propisanu upravnu mjeru iz člana 42 stav 3, koja glasi: “Ako trgovac radi nedjeljom i u dane državnih ili drugih praznika suprotno članu 35a ovog zakona, inspektor će zatvoriti prodajni objekat ili drugo prodajno mjesto za vremenski period u kojem rad nije dozvoljen – navedeno je u saopštenju.
Iz Ministarstva ekonomskog razvoja pozivaju privredne subjekte da poštovanjem propisane obaveze daju svoj doprinos potpunoj primjeni zakona.
Tržišni inspektori će tokom praznih dana kontrolisati poštovanje odredbi Zakona o unutrašnjoj trgovini.
Nepravilnosti prijaviti na kontakt telefone:
+382 68 872714 – Marina Janković, koordinatorka tržišne inspekcije;
+382 68 808875 – Besim Musić, koordinator za Grupu poslova centralno područje;
+382 67 620081 – Olga Bulatović, koordinator za Grupu poslova južno područje;
+382 67260535 – Ferzad Kardović, koordinator za Grupu poslova sjeverno područje.
