U okviru tradicionalne 52. manifestacije „Čivijada”, u Šapcu je priređen vaterpolo turnir za veterane. Na turniru su učestvovale ekipe Jadrana i Bijele.
U konačnom plasmanu Jadran je iako bez prve postavke, u utakmici za peto mjesto pobjedio Bijelu 4:3. U grupi su bili bolji od Goča iz Vrnjačke Banje 6:4, izgubili su od Partizana 4:3 i od Pijanih Somova 6:4.
Ekipa Bijele u grupi je pobjedila Štuke iz Stare Pazove 7:5, igrala neriješeno sa domaćinom turnira Šapcem 7:7 i poraženi su 6:4 od ekipe Beograda.
Na turniru u Šapcu za Jadran su igrali: Novak Jelić, Dragan Radović, Bojan Subotić, Janko Bijelić, Miroslav Mijanović, Filip Andrić, Darko Mrdak, Vjačeslav Baiučev, Dejan Čeprnjić, Goran Sladović, Đorđe Pješivac, Miroš Sijerković i Budimir Stanojlović, koji je dobio pehar kao najstariji igrač turnira. Trener ekipe je Đuro Vlaović.
Za ekipu Bijele na turniru u Šapcu su igrali: Predrag Ćosić, Petar Balić, Nikola Samardžić, Marko Lučić, Nikola Vučetić, Vladimir Janda, Marko Ivančević, Marko Jovović, Siniša Dragutinović, Vlado Bojić, Nenad Franeta, Damir Krivokapić, Milo Želalić, Dražen Bosnić i Nikola Begović. Trener ekipe je Milo Želalić.
