Košarkašice Primorja u Sloveniji očekuju dvije naporne utakmice WABA lige. U Kranju se održava treći turnir WABA U15 lige, a Novljanke će prvu utakmicu odigrati danas u 11 sati sa domaćom ekipom Triglav, dok ih u nedjelju od 9 sati čeka ekipa Grosuplje.
Ovo je košarkašicama Primorja drugi odlazak u Sloveniju za 15 dana, a koliko je ova ekipa spremna i neumorna govore rezultati u nacionalnoj ligi, gdje su bez poraza.
Za Kranj su krenula dva trenera Dragan Prga i Siniša Samac i 12 igračica: Teodora Ćetković (kapiten), Petra Sučević, Sara Prlainović, Ena Bašlin, Darija Konjević, Nađa Savković, Simeona Spaić, Marija Kosić, Tamara Tomašević, Marija Vujičić i Jelena Šćekić.
Košarkašicama Primorja želimo dobru igru i puno uspjeha u Sloveniji.
